PNG magniningning sa paglahok ng 4 Fil-Ams

MANILA, Philippines - Apat na Fil-American athletes ang dumating kahapon mula sa Estados Unidos para sumabak sa gymnastics competition ng 2013 Philippine Olympic Committee --Philippine Sports Commission (POC-PSC) National Games na sisimulan sa Mayo 20 at magtatapos sa Hunyo 2.

Ang tatlong batang la­laki at isang batang babae ay galing sa Los Angeles, California at hangad na katawanin ang bansa sa mga international tournaments.

Tatlong gintong medal­ya ang kaagad paglalabanan sa gymnastics event bukas.

Ang mga ito ay sa men’s at women’s singles at sa trios sa aerobics.

Limang gold medal na­man ang nakataya sa canoe kayak at dragonboat, ayon kay head coach Lenlen Escollante.   

Nakataya sa Day 1 ang ginto sa Marathon 5KM distance: Kayak Racing Single men, Kayak Touring Single men & women, Kayak Touring Tandem mixed, Canoe Racing single men at ang Dragonboat 20 sea­ters mixed.

Pag-aagawan sa Day 2 ang 500meters distance: Canoe racing single men, Kayak racing single men, Kayak touring single men & women, Dragonboat 20 & 10 seaters mixed, Dra­gonboat 20 & 10 seaters Men and Women at ang D2 mixed.