LLBA-Radaza Cup sugdan na karon
CEBU, Philippines - Pormal na nga buksan ang gikahinaman nga LLBA Mayor Paz Radaza Cup 2013 basketball tournament karong adlawa didto sa Villas Magallanes gym sa barangay Basak, dakbayan sa Lapu-Lapu.
Si Lapu-Lapu City Mayor Paz Radaza gilaumang motambong ug mohatag sa iyang mahinungdanong mensahe atol sa opening ceremonies nga gikatakdang sugdan sa alas-6:30 sa gabii.
Onse ka koponan ang mopakita'g aksiyon niining pito na ka tuig nga liga.
Pangulohan kini sa defending champion Rollway Customs Brokerage ni team owner Rolly dela Pieza uban sa Compa General ni Ely Gumoz, Radaza Boys ni city councilor Harry Radaza, Jun/13R nilang Dan Ramos ug Neil Belga.
Mopakita sab og aksiyon ang AC Sport ni Archie Baba, Neo-Up ni Doc Michael Ouano, Boyla ni Tonton Gelig, Air and Beyond ni Shamly Bercede, Lady of Rule Hospital ni Dr. Michael Ouano ug VKK nilang Victor Malingin ug Nestor Villarino.
Ang liga nga anaa na sa ikapito nilang tuig namugna pinaagi sa pagpaningkamot sa mga opisyales sa Lapu-Lapu Basketball Association (LLBA) nga ubos sa ilang presidente nga si Dr. Michael Ouano.
Lain pang mga opisyales sa LLBA mao si Archie Ompad (vice president), Cris Bacus (secretary), Neil Burlaos (treasurer), Bosyo Ompad (auditor) ug Uriel Manilag ug Nestor Villarino (PROs).
Si Eddie Bontes maoy commissioner uban sa ilang tournament director nga si Nido Intud.
- Latest
