Milo taekwondo summer classes dinadagsa

MANILA, Philippines - Patuloy ang pagdagsa sa idinadaos na 2013 MILO taekwondo summer classes sa iba’t-ibang Philippine Taekwondo Association (PTA) chapters at branches sa kabuuan ng Pilipinas.

Ang Olympic sport ay isa sa popular na martial arts sa bansa dahil na­kapaghatid na ito ng ma­raming karangalan mula sa malalaking kompetisyon sa labas ng bansa.

Marami ring matututunan ang mga sasali dahil bukod sa aspetong pisikal, ang isang jin ay nagkaka­roon din ng matalas na kaisipan.

Ang ilang buwang pagsasanay sa taekwondo ay makakatulong para mapag-ibayo ang persona­lidad ng isang indibidwal bukod pa sa pagkakaroon ng dagdag na kaalaman sa self defense.

Inorganisa ng PTA na kasapi ng World Taek­won­do Federation at kinikilala ng Philippine Olympic Committee at Philippine Sports Commission, patuloy ang pagtanggap ng mga gustong matuto sa summer classes at maa­aring makipag-ugnayan ang mga interesado sa mga teleponong 522-0518, 522-0519 at 524-0457 o di kaya ay mag-email sa phi­[email protected] at [email protected].

Ang summer program na ito ay suportado rin ng SMART Communications, MVP Sports Foundation, PLDT, TV5 at Meralco.