YLAC milubong sa Pañeros

CEBU, Philippines - Gilubong sa Young Lawyers Association of Cebu (YLAC) ni team captain Cris Ang ang defending champion Pañeros, 71-52, samtang midaug sab ang Eagles ni Atty. Kit Enriquez batok sa Super Idols, 86-60  alang sa ilang ikatulong sunod-sunod nga daog sa 10th Season IBP 2013 basketball tournament didto sa Capitol Parish gym sa dan Escario, ning dakbayan.

 Gisaw-an karon sa YLAC ug Eagles ang liderato sa managsama nilang 3-0 win-loss records.

 Gidominar sa YLAC ang kinatibuk-ang duwa ug mirehistro kini kinadak-an nilang labaw nga 23 puntos, 51-28 pagsugod sa fourth quarter.

 Si Benjo Santiago maoy nangu sa YLAC sa iyang 19 puntos, samtang si Ang midugang  og 15 puntos.

 Ang Pañeros gipangulohan ni Rowell Juban sa iyang 10 puntos.

 Sa laing duwa, midaog sab ang Eagles batok sa mas beteranong Super Idols sa pagpangulo nilang Marven Miralles ug Alvin Canta nga parehong mibahog og 17 puntos, samtang ang pilderong Idols gipangulohan ni Benjo Macion nga adunay 19 puntos.

 Midaog sa labing unang higayon sulod sa tulo ka duwa ang Dissenters ni commissioner Jonas Asis batok sa Primos ni Mayor Mike Rama, 73-46, samtang ang Titans nakaipsot batok sa Pecandela Law Firm sa iskor nga 66-64.

PUNTOS MATAG USA

Unang duwa:

 YLAC (71) - Santiago 19, Ang 15, Gealon 12, Ligutan 11, Arnaiz 7, Guieb 4, Remedio 3

 PAÑEROS (52) - Juban 10, Manching 8, Calipayan 8, Ordeniza 7, Aliño 7, Busi 6, Cabilte 4, Balorio 2

Ikaduhang duwa:

 EAGLES (86) - Miralles 17, Canta 17, Santos 16, Lagahit 14, Hiyas 9, Suson 5, Reyes 4, Fornolles 2,

Rebadonia 2

 IDOLS (60) - Macion 19, Piquero 12, Quijano 12, Malig-on 8, Sumampong 5, Heyrosa 2, Salubre 2

Ikatulong duwa:

 DISSENTERS (73) - Limalima 22, Marquez 14, Garcia 8, Asis 8, Mi. Sarno 6, Sususco 6, Amores 4, Rosal

2, Orcullo 2, Elacion 1

 PRIMOS (46) - Colasito 10, Tabotabo 8, Hontanosas 7, Geotina 5, Badilles 5, En. Rama 4, Nollora 3,

Fabilane 2, Pascua 2

Ikaupat nga duwa:

 TITANS (66) - Riveral 12, Pintor 10, R. Bauzon 10, Ortiz 10, E. Bauzon 10, Flores 6, Del Prado 6, Velez 2

 PECANDELA (64) - Malazarte 16, Yu 14, Capoy 13, M. Gamallo 7, I. Gamallo 6, Godornes 4, Tomaodos

4 (BANAT PALARO)