Mandaue Mayor's Cup Open Chess Tournament gitakda sa Mayo 4-5 sa J Centre Mall
CEBU, Philippines - Magsinukdanay na sab sa tagsa-tagsa nilang abilidad ang umaabot nga Cebuano pawnpushers sa ipahigayong
Mandaue Mayor's Cup Open Chess sa Mayo 4-5 diha sa J Centre Mall Activity Center sa A.S. Fortuna St., Mandaue
City.
Ang registration fee nagkantidad og P250 alang sa magduduwa nga nagpangedaron og 18-anyos ug pataas ug
P200 alang sa mga entrante nga nag-edad og 17-anyos paubos.
Katapusang adlaw sa registration gitakda karong Huwebes sa alas-12 sa udto didto sa Mandaue City Cultural
and Sports Complex.
Ang kampiyon sa 9-round Swiss system competition mobulsa og P10,000, ang second placer makadawat og
P5,000, samtang ang third makaangkon og P3,000.
Mopahiluna gikan sa ikaupat hangtod sa ikanapulo makadawat og P1,000 matag usa, samtang ang maapil sa
top 20 makadawat og consolation prize nga P500 matag usa.
Ang top three performers sa 13-under, 18-under ug female participants makadawat og special prize nga P500,
P300 ug P200. (BANAT NEWS)
- Latest
