Lions katol, Prime Asia magtakus karon sa partner's cup

CEBU, Philippines - Naglaraw ang opening day winners Prime Asia Lending ug Lions Katol nga molansang sa ilang ikaduhang sunod-sunod nga daog, apan usa kanila ang maungot sa ilang sangka karong alas-4 sa hapon sa nagpadayong Enervon CESAFI Partners' Cup  2013 basketball tournament diha sa Cebu  Coliseum.

 Sa main game sa alas-5:45 sa hapon, ang Cebu Landmasters tuyo usab nga motabla sa unang puwesto dihang ilang sangkaon ang Gaisano Capital South.

 Ang defending champion Prime Asia/UV Lancers yano kaayong mikulit og daog batok sa Gaisano Capital South/UC Webmasters  sa iskor nga  80-57, samtang  ang Lions Katol/USPF Panthers batok sa Raphael’s Cafe and Resto Bar-USJR Jaguars, 63-57.

  Gilihian sab og daog ang Cebu Landmasters/USC Warriors batok sa San Marino Tuna/CIT-U Wildcats sa iskor nga 71-68 sa pagpangulo nilang Fil-Chinese shooting guard Stephen Que ug bigman Garrick Ayala.

 Si Que mibahog og 10 puntos sa final period nga maoy miduslit sa ilang mainitong rally, samtang si Ayala mipasulod sa iyang crucial basket aron hatagan ang Cebu Landmasters og 70-68 nga bentaha sa nahabiling 25.6 segundos sa duwa.

Ang split charities ni Que maoy naghatag og kasiguroan sa ilang kadaugan, 71-68  sa katapusang 12.7 segundos.

Puntos matag usa

Unang duwa:

 Lions Katol (63) - Nudalo 13, Sedurifa 8, Vertucio 8, Camello 6, Sollano 5, Escanilla 4, Estrelles 4, Abesia 3, Mangaron 2, Borces 2, Ceniza 2

 Raphael's Cafe (57) - R. Senining 20, Regalado 9, Galvez 8, Diaz 5, Rubillo 4, M. Parker 4, C. Senining 2, Lajato 2, Rossel 2, Dela Peña 2, Cinco 1

Ikaduhang duwa:

 Cebu Landmasters (71) - Ayala 15, Que 13, Magat 9, Guardario 7, Ortega 5, Romaguera 3, Laude 3, D. Adlawan 3, Tenebroso 2, Adlawan 2, Rabat 2, Pepito 2

 San Marino Tuna (68) - Dimco 16, Taboada 11, Menguito 10, Dela Cerna 8, Pono 4, Booc 4, Taghoy 3, Tabalin 3, Eboña 2, Graf 2, Limalima 2 (BANAT PALARO)