Lex Titans, laing 3 midaog

CEBU, Philippines -  Gisubhan dayon og daog ang Lex Titans human makaipsot batok  sa Pañeros, 53-52, samtang laing tulo ka

teams ang gisugat sab og daog sa pagbukas sa 10th season sa Integrated Bar of the Philippines (IBP) basketball league

niadtong Sabado didto sa Capitol Parish gym sa dalan Escario, ning siyudad.

 Ang duha ka free throws ni Art Flores maoy nahimong yawi sa kadaugan sa Titans ni team owner Bads Del

Prado.

 Naglabaw ang Titans sa unang duha ka kuwarter pinaagi sa mga puntos nilang Lito Ortiz ug Richard Bauzon,

apan ang Pañeros milusad og 17-11 sa third period aron ilogon ang labaw, 35-33. Modaog na unta ang Pañeros human

sila milabaw  og uno punto, 52-51 sa nahabiling 12 segundos sa final period, apan nasuhong kini dihang si Flores mipasud

sa duha ka free throws nga maoy nagselyo sa  kadaugan sa Titans.

 Sila Ortiz maoy nangu sa Titans pinaagi sa iyang 16 puntos, samtang si Bauzon miabuno og 13 puntos. Ang

Pañeros gipangulohan ni Rowell Juban  sa iyang 16 puntos, gisundan ni Ryan Sojor nga adunay 10 puntos.

 Sa laing duwa, ang defending champion Super Idols ni Bong Pepito midaog batok sa Dissenters ni Jonas Asis,

90-71 pinaagi sa 22 puntos ni Fermin Pepito. Ang Dissenters   gipangulohan ni ex-UC Webmaster pointguard Kenneth

Kern Sesante, kinsa miposa og 33 puntos.

 Midaog sab ang Eagles batok sa Primos ni Mayor Mike Rama, 61-46 ug ingon man ang YLAC  batok sa

Pecandela Law Firm, 76-57.

 Silang Marvin Miralles ug Alvin Canta maoy nangu sa Eagles nga nagkumboya og 30 puntos, samtang si

Mayor Rama maoy nangu sa Primos sa iyang 12 puntos.

 Ang YLAC  gipangulohan ni Cris Ang, kinsa mihakot og 18 puntos, samtang ang Pecandela gipangulohan sab

ni Sam Malazarte nga miburak og 36 puntos.

Puntos matag usa

Unang duwa:

 TITANS (53) - Ortiz 16, R. Bauzon 13, Flores 6, Capahi 5, E. Bauzon 4, Del Prado 4, Narido 3, Velez 2

 PAÑEROS (52) - Juban 16, Sojor 10, Dinopol 8, Molde 7, Busi 6, Cabilte 3, Manching 2

Ikaduhang duwa:

 Super Idols (90) - F. Pepito 26, B. Pepito 14, Sumampong 13, Mañus 12, R. Quijano 7, Heyrosa 7, Piquero

5, Macion 2, Santiago 2, J. Quijano 2

 DISSENTERS (71) - Sesante 33, Limalima 10, Asis 10, Mi. Sarno 5, Ma. Sarno 4, Garcia 4, Rosal 2,

Sususco 2, Marquez 1

Ikatulong duwa:

 EAGLES (61) - Miralles 16, Canta 14, Santos 9, Hiyas 5, Abcede 5, Velmonte 5, Rebadomia 3, Solis 2,

Lagahit 2.

 PRIMOS (46) - M. Rama 12, Ml. Rama 8, Pacoli 5, Badilles 5, Tabotabo 5, Mangubat 4, Pascua 2,

Hontanosas 2, En. Rama 2, N. Rama 1

Ikaupat nga duwa:

 YLAC (76) - Ang 18, Santiago 14, Verallo 13, Arnaiz 11, Guieb 6, Remedio 5, Gealon 5, Ligutan 4

 PECANDELA (57) - Malazarte 36, I. Gamallo 10, Yu 8, Musong 3 (BANAT NEWS)