3rd Solita Cup sugdan na

CEBU, Philippines - Pormal na nga buksan ang gikahinaman nga 3rd Solita's Cup 2013 basketball tournament didto sa Co Tiao King Gym sa  barangay Tabok, dakbayan sa Mandaue.

 Sugdan kini pinaagi sa tradisyonal nga parada nga sugdan sa alas-3  sa hapon.

 Unom ka Solita teams ang mopakita'g aksiyon sa maong torneyo nga gipahingusgan sa ilang presidente nga si Konsehal Boy Tariman.

 Kini naglakip sa Solita White nilang Dario Tariman ug Al  Conde, Solita Blue nilang Choy Araño ug Richard Jordan, Solita Green Blazer ni Aladin Aguilar, Solita Yellow ni Randy Beringel, Solita  Red  Summer  nilang  Dennis Cordeñera ug Banjo Hatamosa ug Solita Jorge Mario ni Boy Cabigas.

 Ang ikatulong tuig na nga kompetisyon duwaon matag adlaw'ng  Martes, Huwebes ug Sabado.

 Naglangkob  sa  komitiba  mao sila si Bebe Flores, Litoy Tagalog, Tosko Lastimosa ug Rey Flores.  (BANAT PALARO)