Rain or Shine mipitol sa Air21

CEBU, Philippines - Giputol sa Rain or Shine Elasto Painters ang four-game winning-streak sa Air21 Express human sa ilang, 94-83, nga kadaugan kagabii didto sa SM Mall of Asia Area.

Sa maong kadaugan ang Rain or Shine mipalambo sa ilang record ngadto sa 8-3 win-loss record diin nakigsawo sila karon sa Alaska Aces sa unang dapit sa standing. Ang Rain or Shine tinguha nga makuha ang top two place nga muhatag kanila og automatic semifinals berth atol sa playoffs.

Naglabaw ang Painters, 45-38 sa first half, apan naningkamot ang Express pagbalik sa duwa ug nakuha nila ang kwatro puntos nga labaw sa third period human usab mabutang sa foul-trouble ang 7-foot-3 import sa Rain or Shine nga si Bruno Sundov sa 4:22 sa third period.

Hinuon wala mawad-i sa ilang konsentrasyon ang mga batos ni coach Yeng Guiao og milusad sila og rally sa pangulo sa ilang mga local players nga sila si Jeff Chan ug Ryan Araña.

Mibalik si Sundov sa katapusang dos minutos sa duwa og mipatusak siya og tres nga maoy mikandado sa daog sa Painters, 87-74. Si Sundov maoy leading scorer sa iyang 23 puntos, samtang sila si Chan ug Araña nagkumboya og 29 puntos.  (BANAT NEWS)