Utah buhi pa alang sa Playoffs

CEBU, Philippines -  Buhi pa ang paglaum sa Utah Jazz nga moabante sa playoffs human sa ilang 105-95 nga kadaugan batok sa

Portland Trailblazers  kagahapon sa nagpadayong duwa sa NBA didto sa Rose Garden sa Portland, Oregon.

 Nangatol ang mga kamot ni Mo Williams sa second half diin miiskor siya og 26 alang sa kinatibuk-an niyang 28

puntos  aron pangulohan ang Jazz.

 Si Paul Millsap miabuno og 25 puntos uban ang 10 ka rebounds aron mapakgang ang ilang siyam ka

sagunsong pilde sa ilang road games. Ang ilang labing taas nga road game losing streak miabot og 17 ka duwa niadtong

1981-1982 season.

 Ang Jazz naghupot karon og 37-36 nga baraha ug nagtabla uban sa Los Angeles Lakers alang sa ikawalong

puwesto sa playoffs sa Western Conference.

 Samtang ang Blazers, kinsa miduwa nga wala si LaMarcus Aldridge tungod sa piang adunay 33-39 nga

baraha.

 Hinuon, ang Jazz maoy naghupot og tie-breaker batok sa Lakers, busa kun magtabla sila’g win-loss record

ning nahibiling 11 ka duwa, ang Jazz maoy mo-abante sa playoffs.

 Ang rookie nga si Damian Lillard maoy nangu sa Blazers sa iyang 24 puntos ug si J.J. Hickson midugang og 17

puntos uban sa 14 ka rebounds.

 Biya unta ang Jazz, 86-92 sa nahabiling 3:48 sa fourth period, apan kalit lang silang mihimo'g rally pinangulohan

ni Williams, kinsa mihimo'g sagunson 12 puntos. Human milabaw, 93-92 sa nahabiling 2:57, ang Jazz mao na ang

nagkontrolar sa duwa.  (BANAT NEWS)