CVCCO kampiyon sa gaa Sinulog Cup 2013
CEBU, Philippines - Nasakmit sa Cebu Vendors Credit Cooperative (CVCCO) ang korona sa Guadalupe Athletics Association
(GAA) 2013 Sinulog Cup basketball tournament niadtong Domingo didto sa Guadalupe Sports Complex.
Ang CVCCO ni Fabs Abellana mipukan sa Gigi Catering Services sa iskor nga 79-76.
Nakauna unta ang Caterers, 21-8 sa pagtimon ni Rico Quilario, apan nakarekober ang CVCCO sa second
period pinaagi sa ilang solidong depensa ug mainitong opensa nga gipasiugdahan ni Tim Dinampo, kinsa miiskor og 12
puntos sa maong kuwarter aron mosikit, 27-30 sa halftime.
Mibalik ang kainit sa Caterers dihang namuntos og maayo si ex-commercial cager Alex Cainglet uban nilang
Bener Jacaban ug Quilario aron inaton pagbalik ang ilang labaw ngadto sa sayes puntos paingon sa final period.
Milabaw sa unang higayon ang CVCCO human sa undergoal ni Andy Miñoza alang sa 64-63 sa nahabiling
3:25 sa duwa. Nangigo sab silang Tim Dinampo ug Erwin Ferrer alang sa CVCCO nga mao na ang nidiktar sa duwa.
Si Dinampo maoy nangu sa CVCCO pinaagi sa iyang 18 puntos, samtang si Ferrer miamot og 12 puntos.
Ang Gigi Catering gipangulohan ni Quilario, kinsa miduslit og 17 puntos, gisundan ni Cainglet nga mihabwa og
16 puntos.
Si Andy Miñoza maoy napiling MVP ug nangu sa Mythical Five selection uban nilang Cainglet, Rey Potot,
Ferrer ug Dinampo.
Si Ed Pajuay maoy best defensive player, samtang si Fabs Abellana maoy midaog sa Sportsmanship award.
Ang Sinulog Cup nahimong posible pinaagi sa mga paningkamot ni Raul 'Aulga' Sollano ug GAA presidente
Lito Posadas.
Puntos matag usa
CVCCO (79) - Dinampo 18, Ferrer 12, Abellana 10, Lawas 8, Pajuay 5, Genon 4, A. Miñoza 4, Nacua 4,
Alesna 2, Nabua 2, B. Miñoza 2, Adolfo 2, Mabatid 2, Francisco 2, Las Parellas 2
GIGI (76) - Quilario 17, Cainglet 16, Jacaban 8, Pañares 7, Villajos 5, Sinoy 5, Abella 4, Ibo 4, Gabisay 2,
Bihagan 2, Mangyao 2, Tablada 2, Condes 2 (BANAT NEWS)
- Latest
