Team Hotel miilog sa liderato

 CEBU, Philippines - Nailog sa  team Hotel  ni Kelvin Cinco ang  solong liderato human midaog batok sa Delta team, 100-94 sa 

Center Katipunan A. Lopez Christian Organization  (CEKALCO) 2013 basketball tournament niadtong Biyernes didto sa

A. Lopez open court sa barangay Labangon.

 Ang power-forward nga si Mario Dosal maoy nagtimon sa opensa pinaagi sa iyang 14 puntos aron hatagan ang

team Hotel og 10 puntos nga bentaha sa first period, 19-9. Apan    mibawos sab dayon ang Delta    sa second period sa

giya nilang Randy Damulo, Julius Gutierez ug Arthur Acosta aron masakmit ang labaw sa halftime, 42-41.

 Ang skipper nga si Cinco ug ang sentrong  si Dennis Saceda mipakita sa ilang katakus sa final period aron

baswaton ang team Hotel ngadto sa sayes puntos nga kadaugan.

 Gipangulohan ni Cinco ang kadaugan pinaagi sa iyang makabungog nga 40 puntos, samtang si Saceda

mipabuto og 22 puntos

 Ang Delta ni Roland 'El Presidente' Sameon gipangulohan ni Randy Damulo, kinsa mibahog og 24 puntos,

gisundan nilang  Juniel Villarosa ug Julius Gutierez nga adunay 23 puntos matag usa. (BANAT NEWS)

PUNTOS MATAG USA

 HOTEL (100) - Cinco 40, Saceda 22, Dosal 14, Tautho 11, Benoya 10, Valderama 3

 DELTA (94) - Damulo 24, Villarosa 23, Gutierez 23, Acosta 12, Sinag 8, Gonzaga 4