CIPU second season buksan karon
CEBU, Philippines - Walo ka teams ang kompirmadong mosalmot sa 2nd Cebu International Port Users (CIPU) basketball tournament nga buksan karong adlawa sa ala-1 sa hapon diha sa Ben Solon gym sa barangay Cogon, Ramos, ning dakbayan.
Pangulohan kini sa defending champion Canillas Customs Brokerage (CCB), runner-up FYA Selection nga gipangulohan ni playing coach Noel Medalle, Avenido Brokers ni Erlito Avenido, Limasawa Brokers ni Mayor Melchor Petracorta, Mac Nels Brokers, Alin Brokers ni Israel Alin, Ynah Brokers ni Edwin Carmen ug ang bag-ong sakop Gonzales Brokerage ni Art Gonzales.
Adunay parada nga pagahimuon libot sa Ben Solon gym sa dili pa sugdan ang duwa. Ang torneyo nga pagaduwaon matag adlaw'ng Sabado mosubay og single round robin format diin ang top two teams awtomatik nga mosulod sa semifinals.
Ang No. 3 seed makigsangka batok sa No. 6 qualifier ug ang No. 4 makigtakus batok sa No. 5 sa usa ka knockout game, samtang ang duha ka teams nga mahimutang sa kinaubsan sa team standings maoy matagak.
- Latest
