Caguioa ilakip sa Smart Gilas?
CEBU, Philippines - Tungod sa nindot nga gipakita ni Barangay Ginebra San Miguel ace player Mark Caguioa, gitun-an siya karon ni Smart Gilas coach Chot Reyes nga ilakip sa Smart Gilas Pilipinas national team nga moduwa sa 27th FIBA Asia Championship sa Agosto didto sa Manila.
Si Reyes nagkanayon nga kompleto na ang line-up alang sa Smart Gilas, apan posible nga hatagan niya og luna si Caguioa kinsa usa na usab karon sa mga kandidato isip ‘Best Player of the Conference’.
“Ang ganda. Grabe talaga ang performance ni Caguioa,†matud pa ni Reyes sa Spin.ph."Talagang tinitignan ko talaga 'yun."
Miingon si Reyes nga bisan pa og daghan na siya og mga shooting guard, mahimo gihapon nga ibutang niya si Caguioa sa starting position tungod kay gawas sa abilidad niini sa opensiba, dili usab kabintahaan ang kasinatian niini.
Si Caguioa miduwa kaniadto uban sa national team atol sa 2007 FIBA-Asia Championship didto sa Tokushima, Japan.
Hinuon, nasayud si Reyes nga dili sayun ang pagkuha ni Caguioa tungod kay kini ang haligi sa Ginebra ug lisud nga mapatando niya ang mga kadagkuan sa San Miguel Corporation.
Ang Smart Gilas nakahuwam na usab og usa ka player gikan sa Ginebra nga mao si LA Tenorio.
- Latest
