16th Nestea Beach Volley gilusad
CEBU, Philippines - Andam na ang tanan alang sa Visayas-Mindanao qualifying tournament sa 16th Nestea Beach Volley nga sugdan ugmang adlawa didto sa lungsod sa Moalboal, Cebu.
Kini ang labing unang higayun nga usahon ang regional eliminations sa Visayas ug Mindanao nga nagpasabot nga mas kulbahinam nga aksyon ang mahitabo tali sa mga elite teams sa Sugbo batok sa mga koponan gikan sa Mindanao.
“This will be the first time that we’re merging the Visayas and Mindanao regional eliminations. With this, expect a bigger, better and more interesting matches,†matud pa ni Jel Leyte, Marketing Promotions and Events Executive sa Nestle Philippines.
Miabot ngadto sa 23 ka mga tunghaan ang misalmot sa men’s division, samtang laing 20 sa women’s class.
Mga koponan nga musalmot mao ang defending national champion University of the Visayas (UV), regional titlist University of Saint La Salle-Bacolod, Southwestern University, University of Cebu, University of Southern Philippines Foundation, University of San Carlos, Bohol Institute of Technology, University of Bohol, University of Negros Occidental-Recoletos, Foundation University, John B.Lacson Foundation Maritime University ug University of San Jose-Recoletos.
Musuway pagpilde sa mga Visayas teams mao ang mga pambato sa Mindanao nga University of Mindanao-Tagum, Jose Maria College, Mindanao State University, Capitol University ug Medical Central College.
Ang unom ka mga top placers sa matag dibisyon mao ang moduwa sa national finals nga gitakda sa Abril 18 didto sa Boracay.
- Latest
