CVCCO vs.Gigi catering sa GAA finals

CEBU, Philippines -  Gipukan sa Cebu Vendors Credit Cooperative (CVCCO)  nga gipangulohan ni  team owner Fabs Abellana

ang Calumpang cagers,  98-85  aron moabante sa  finals sa GuadalupeAthletics Association  (GAA) 2013 Sinulog Cup

basketball tournament sa miaging adlaw didto sa Guadalupe Sports Complex.

 Naangkon sa CVCCO ang katungod  sa pakigsangka  batok sa Gigi Catering Services ni Hermie Bihagan,

kinsa   unang nakaangkon og luna sa finals human ilang gipalagpot ang defending champion ARN Builders ni playing coach

Boy Te.

 Ang knockout finals himuon karong Domingo.

 Mao na kini ang ikatulong sunod-sunod nga higayon sa CVCCO  nga miabante sa finals.

 Ang CVCCO nabiyaan og singko puntos, 50-55, apan nakarekober kini sa sunod nga kuwarter dihang

milusad  sila'g 21-16 nga scoring run nga gipasiugdahan nilang Erwin Ferrer  ug  Ed Pajuay aron makatabla, 71-all paingon

sa fourth quarter.

 Nagpakita’g  nindot nga labok silang Andy Miñoza ug   Ferrer didto sa final period, gawas nga nangigo sila sa

ilang mga tirada sa gawas,   epektibo sab ang ilang mga fastbreaks aron makamugna og 27-14 rally paingon na pagkulit og

daog.

 Si Ferrer maoy nangu sa CVCCO dihang miposa siya’g 16 puntos, samtang  silang Miñoza ug Pajuay

nagkumboya og 28 puntos. Sila si Tim Dinampo ug Nacua mitikdol og 10 puntos matag usa alang sa CVCCO.

 Ang Calumpang gipangulohan nilang Kenneth Montinola, kinsa mibahog og 15 puntos, gisundan nilang Gilben

Labiste ug Louie Nercua kinsa parehong miposa og 13 puntos. (BANAT NEWS)

PUNTOS MATAG USA

 CVCCO (98) - Ferrer 16, Miñoza 14, Pajuay 14, Dinampo 10, Nacua 10, Lawas 9, Alesna 8, Abellana 6,

Mabatid 5, B. Miñoza 2, Nabua 2, Las Parellas 2

  CALUMPANG (85) - Montinola 15, Labiste 13, Nercua 13, G. Cainglet 8, Barrios 7, Teopiz 7, Ruiz 6,

Aries 6, Getubig 4, J. Cainglet 3, Calumpang 3