Duwa sa Delta ug Hotel gibaraw sa uwan

CEBU, Philippines -  Nagtabla ang iskor sa team Delta ni Roland 'El Presidente' Sameon ug ang team Hotel ni skipper Kelvin Cinco, 102-all, apan naundang ang duwa  dihang kalit mibunok ang kusog nga uwan sa Center Katipunan A. Lopez Christian

Organization (CEKALCO) 2013  basketball tournament niadtong Biyernes didto sa  A. Lopez open court sa barangay

Labangon.

 Si Randy Damulo sa Delta maoy nakatabla sa duwa sa wala pa kini maundang pinaagi sa iyang duha ka free

throws sa nahabiling 1:52 sa final period.

 Ang duwa giuswag sa sunod semana, apan ang mga sakop sa Hotel nagkanayon nga  posibleng dili na lang sila

moduwa ug ilang ilhon ang Delta nga No. 1 seed kay pilde man sila sa first  round.

 Silang Junel Villarosa ug Damulo maoy topscorers sa Delta sa ilang 27 puntos matag usa, gisundan ni Author

Acosta nga adunay 17 puntos.

 Ang Hotel gipangulohan ni Cinco, kinsa mibahog og 40 puntos, samtang silang Dave Benoya ug Dennis Saceda

 nagkumboya og 28 puntos. (BANAT NEWS)

PUNTOS MATAG USA

 DELTA (102) - Villarosa 27, Damulo 27, Acosta 17, Sinag 11, Gonzaga 10, Estrada 10.

 HOTEL (102) - Cinco 40, Benoya 15, Saceda 13, Valderama 10, Dosal 6, Tautho 4, Berido 2, Navares 2