1st Brgy. Capt. Lou Ornopia basketball tournament banatan na
CEBU, Philippines - Ang gikahinaman nga 1st Brgy. Capt. Lou Ornopia Basketball Tournament buksan na karong adlawa didto sa Calambua open court sa San Remigio, Cebu Sugdan kini sa alas-2 sa hapon.
Dul-an sa P30,000 nga ganting salapi ang giandam alang sa mga mananaog.
Ang kampiyon mobulsa og P10,000, ang second ug third placers makadawat og P7,000 ug P5,000 matag usa, samtang ang fourth makadawat og consolation prize nga P3,000 matag usa.
Special awards ang ihatag sa mahimong "best muse" ug "best in uniform" atol sa opening salvo.
Ang labing unang torneyo suportado sab sa Calambua Barangay Council ubos sa aktibo ug kugihan nga Brgy. Capt. nga si Lou Ornopia.
Gawas sa local government unit sa Calambua ug sa MS Motosuit, ang summer league gipaluyohan usab sa Bradder Moto Access, F&F Motor Parts, RMO Motor Parts, Prospeed, Motomaze, JCO Motor Parts, Keiz BJ Motors, Leizel Navarez ug sa mga pamilyang Saludar, Ycot, Ornopia, Montealto, Armenion, Jubay, De la Peña ug Vincent Golbe. (BANAT PALARO)
- Latest
