Pangungutya ng mga fans tinabunan ng panalo ng Lakers Howard pinasiklaban ang Magic
ORLANDO, Fla. -- HuÂmaÂkot si Dwight Howard ng season-high 39 points at 16 rebounds para panguÂnahan ang Los Angeles Lakers sa 106-97 paggupo sa kanyang dating koponang Orlando Magic noong Martes ng gabi.
Ito ang unang pagbabalik ni Howard sa Orlando matapos ang offseason trade na nagdala sa kanya sa Lakers.
Ginamit ng Magic ang isang intentional foul straÂtegy, ngunit nagsalpak ang All-Star center ng 16-of-20 shooting clip sa freethrow line sa second half.
Ito ang ikaapat na sunod na panalo ng Lakers.
Binanderahan ni Jameer Nelson ang Orlando mula sa kanyang 21 points.
Matapos ang laro, nakipagkamay si Howard kay Nelson at saglit na nag-usap.
Ilan sa mga panguÂngutya na natanggap ni Howard mula sa mga fans ng Magic ay ang ‘“Coward’’ at “Kobe’s Kid’’ na makikita sa Amway Center stands.
Binubuska ang All-Star center sa tuwing mahahawakan niya ang bola at mas malakas na sigawan kapag nagmimintis siya sa free throw.
Nakipag-inisan si HoÂward sa Magic bench sa isang tagpo sa first half, habang saglit na umalis si Kobe Bryant sa first quarter dahil sa pagdugo ng kanyang kanang mata matapos ang isang banggaan.
Kinuha ng Lakers ang 76-68 bentahe papasok sa final period at itinala ang isang 16-point lead laban sa Magic.
- Latest
