CVIRAA, UV naghari sa U19 division
CEBU, Philippines - Mikulit og managlahing kadaugan ang Central Visayas Regional Athletic Association (CVIRAA) High School team ug ang University of the Visayas (UV) aron sakmiton ang kampiyonato sa Under 19 division sa ThreeSixty Pharmacy
Cup 2013: CYBL Season 6 didto sa Sacred Heart School-Ateneo de Cebu Mango Avenue Campus Gym.
Ang CVIRAA team mipilde sa University of San Jose-Recoletos (USJ-R), 48-40, samtang ang UV milubong sa University of Southern Philippines Foundation (USPF), 62-39.
Ang CVIRAA team nga gilangkuban sa mga magduduwa gikan sa SHS-Ateneo de Cebu ug Michael Balankig sa Cebu Eastern College miposte og 38-29 human sa tulo ka kuwarter, apan nakabawi ang USJ-R sa fourth quarter aron pahakan ang labaw, 44-40 sanahabiling 1:30 sa duwa.
May higayon untang makasikit og maayo ang USJ-R apan misipyat ang ilang duha ka free throws.
Balanse ang opensa sa CVIRAA ug walay player nga miiskor kapin sa siyete puntos. Silang Rendell Senining ug Janjan Jaboneta maoy nangu sa CVIRAA nga adunay siyete puntos matag usa. SiRex Villarosa mao usab ang nangu sa USJ-R sa iyang 10 puntos.
Sa laing duwa, nanginit ang UV sa didto sa third quarter aron pagpukan sa USPF.
Nangigo sa gawas si Leonard Santillan ug ang mga drives ni Ralph Dinolan naghatag og komportable nga labaw UV sa40-26 pagsugod sa fourth quarter.
Si Dinolanmaoy topscorer sa UV sa iyang 18 puntos, samtang si Santillan miamot og 14 puntos. Ang USPF gipangulohan nilang Mhike Spencer Patalinghug nga mirehistro og 16 puntos, gisundan ni Sheldon Gahinga adunay 13 puntos.
Ang ThreeSixty Pharmacy Cup 2013 maoy flagship tournament sa Season 6 saCebu Youth Basketball
League (CYBL).
PUNTOS MATAG USA
Unang duwa:
CVIRAA (48) - Senining 7, Jaboneta 7, Ochea 6, Balankig 6, Competente 4, Ecarma 4, Laguyo 3, Cercado
3, Galvez 2, Padilla 2, Huang 2, Araw-araw 2
USJ-R (40) - Villarosa 10, Molero 9, Bayhonan 9, Jabines 7, Pelino 4, Palattao 2
Ikaduhang duwa:
UV (62) - Dinolan 18, Santillan 14, Pineda 5, Samal 4, Alas 4, Napao 4, Ernesto 3, Soliva 3, Lagumbay 3,
Mepaña 2, Cañete 2
USPF (39) - Patalinghug 16, Gahi 13, Mangaron 3, Bontia 2, Lim 2, Amontos 2 (BANAT PALARO)
- Latest
