Balkman angay papaulion – PBA legends
CEBU, Philippines - Kun sila ang pabut-on, gusto sa duha ka PBA legends nga papaulion nalang ang kontrobersyal nga import sa Petron Blaze Boosters nga si Renaldo Balkman human sa gihimo niining pagpanuok ngadto sa iyang teammate nga si Arwind Santos.
Duha ka mga PBA icon nga sila si Kenneth Duremdes ug Marlou Aquino ang pulos miingon nga dili angay pasayluon si Balkman tungod sa gibuhat niini ug angay na kini nga buhian sa Petron.
“Grabe yun. Ang tagal kong lumaro sa PBA. Ang dami kong nakitang bastos at walang hiyang import, pero walang nanakit ng kakampi nila,†matud pa ni Aquino sa Spin.ph.
Ang 6-foot-8 nga si Balkman nag-wild atol sa duwa sa Petron batok sa Alaska Aces niadtong Biyernes ug daw nawala kini sa kaugalingon diin una niining giatubang ang mga referee.
Gitabangan siya og uwang sa mga coaching staff ug players sa Petron, apan lakip sila nga gibuthan sa kasuko ni Balkman diin labing nagrabehan mao si Santos kinsa kalit gituok sa Puerto Rican-American cager.
“Dapat pauwiin yun, wala nang reason para ipanatili pa siya dito,†dugang pa ni Duremdes.
Ang duha ka PBA legends nahadlok nga basin og mausab ang gihimong pagpanghasi ni Balkman ug mas grabe ang kadaot nga mahimo pa niini.
Ang coaching staff sa Petron una nang miingon nga hatagan nila og ikaduhang kahigayunan si Balkman nga moduwa human usab kini nangayo og pasaylo sa iyang gibuhat.
- Latest
