Bulls miarte na sad
CEBU, Philippines - Gikan sa iyang triple-double didto sa Philadelphia, migara na sab si Joakim Noah kinsa mihimo og double-double sa iyang 21 puntos ug 10 ka rebounds samtang midugang og 20 puntos si Carlos Boozoer alang sa Chicago Bulls kinsa mipukan sa Brookyln Nets, 96-85 kagahapon sa nagpadayong duwa sa NBA didto sa United Center sa Chicago, Illinois.
Migamit og 19-0 run ang Bulls pagsugod sa second quarter ug human ilang na-ilog ang labaw, wala na nila hatagi og higayon ang Nets kinsa nabiyaan og labing menos 18 puntos didto sa fourth period.
Mikulit og triple double si Noah dihang midaug sila batok sa Sixers niadtong Huwebes sa iyang 23 points, 21 ka rebounds ug career-high 11 ka blocks.
Midugang og 13 puntos si Jimmy Butler samtang parehong may 12 puntos silang Nate Robinson ug Kirk Hinrich alang sa Bulls kinsa maoy ika-unom sa East sa ilang 33-25 nga baraha. Si Brook Lopez maoy nangu sa Brooklyn sa iyang 22 puntos, ang 14 niini gikan sa first quarter. Mihakot og 14 puntos si Deron Williams ug may 11 puntos si Joe Johnson.
Sa laing duwa, midaug ang Milwaukee batok sa Toronto pinaagi sa overtime, 122-114. Naka-ipsot ang Philadelphia batok sa Golden State, 104-97 ug gilubong sa Portland ang undermanned nga Minnesota, 109-94.
- Latest
