Xterra triathlon mosikad karon
CEBU, Philippines - Kapin sa 300 ka mga atleta lakip gikan sa 40 ka mga nasud ang mopakita sa ilang abilidad sa Vaseline Men Xterra Off-Road Triathlon Series nga sugdan karong adlawa didto sa lungsod sa Liloan, Cebu.
Sugdan kini sa Xterra Lite diin ang mga partisipante motabok og 500-meter swim, 20-kilometer bike ug 5K-run.
Molamas sa weekend mao ang trail run nga naglatid sa 21K, 10K ug 5K alang sa lalaki ug babaye.
Ugma, himuon ang Xterra Phl Championship diin ang mga lokal ug mga langyaw'ng mga atleta mopahigayon og 1.5K swim, 35K bike ug 10K run.
Giandam ning tinuig nga kompetisyon nga gipasiugdahan sa Sunrise Events ni Wilfred Steven Uytengsu mao ang top purse nga balor og $15,000 alang sa professionals ug P120,000 alang sa top Filipino finisher ug 41 ka luna alang sa Xterra World Championships.
Gidalit sa Vaseline Men, ang duha ka adlaw nga kalihukan gipaluyohan sa The Philippine STAR, sister-company sa The Freeman, LBC Solutions, Alaska, Summit Water, Multisport, Studio 23, Gatorade, Canon, Aqua
Sphere, David's Salon, Intercare, Rocktape, Timex, Smart ug sa lungsod sa Liloan ubos sa liderato ni Mayor Duke Frasco.
- Latest
