Cadiz nidominar sa February edition
CEBU, Philippines - Gidominar ni NM Arnold Cadiz ang February edition sa Cebu Executives and Professionals Chess Association (CEPCA) monthly tournament sa miaging adlaw didto sa Deep Blue D'Woodpushers' Chess Club sa SM City-Cebu.
Ang konsehal sa barangay Camputhaw nga si Cadiz maoy mipatigbabaw sa unom ka hugnang kumbati sa iyang 5.5 puntos. Giharos niya ang upat ka duwa batok nilang Michael Rebato, Amado Olea, El Labunog ug Gabby Misterio.
Si Cadiz nagtabla uban ni Mike Banibane sa wala pa tapusa ang iyang kampanya uban ang mapahayluon nga kadaugan batok ni Nilo Llenes.
Ang bag-ong sakop sa CEPCA nga si Olea sa Philippine Air Force ug si Banibane mihipos og 5.0 puntos
matag usa, apan si Olea maoy miangkon sa ikaduha pinaagi sa tie-break points.
Sila si Jun Kidlat ug Rebato mi-okupar sa ikaupat ug ikalima nga dapit.
- Latest
