2nd Talisay Triathlon gitakda sa marso 17

 CEBU, Philippines - Maghugop na sab ang Cebuano triathletes sa  ipahigayong 2nd Talisay Triathlon Race sa Marso 17 didto sa

Talisay City Fish Port.

 Sama sa miaging tuig, ang lumba gibahin sa age group, relay mix ug kiddies divisions. Ang age group langkuban

sa 20-29, 30-39, 40-49 ug 50 years old and above.

 Ang kiddies adunay tulo ka kategoriya -- ang 10-under boys and girls, 11-12 ug 13-15 years-old boys and

girls, samtang ang relay adunay adult ug kids.

 Ang mga adult  kinahanglan motapos sa rota nga  mokober og 750m swim, 20k bike ug 5k run,  samtang ang

mga 11-12 year-old molatas sa 300m swim, 10k bike ug 3k run ug ang 10-anyos ug  paubos adunay 100m swim, 5k bike

ug 1k run.

 Ganting salapi, medalya ug finisher shirt ang madawat sa top three finishers.

 Ang mokampiyon sa age groups mobulsa og P5,000,   ang second ug third placers makadawat P3,000 ug

P2,000 matag usa.

 Ang registration fee nagkantidad og P1,200 ug mahimong magparehistro didto sa Talisay Sports Commission,

Rudy Project sa SM City-Cebu ug Ayala  Center-Cebu ug sa Cebu City Sports Center. (BANAT NEWS)