Garces nalakip sa Philippine national team

CEBU, Philippines -  Ang Sugbuanang si Nica Garces ang nahimong labing unang produkto sa Cebu Taekwondo Association nga gilakip sa  Philippine National team nga morepresentar sa nasud sa mga international tournaments.

 Si Garces gikuha nga bag-ong sakop sa Philippine team human makapasar sa evaluation sa Philippine Taekwondo Association (PTA).

 Si  Garces  mipakita  usab sa iyang  abilidad  sa  bag-o lang natapos nga CPJ Taekwondo Championships didto sa Manila.

 Sa iyang bahin, si PTA regional chairman Tony del Prado nagkanayon nga daghan pang mga Cebuano jins ang iyang gilauman nga malakip sa Philippine team ug usa na niini ang world champion nga si Mikeala Calamba, kinsa pasidunggan atol sa 31st Sportswriters Association of Cebu-San Miguel Brewery  (SAC-SMB)  Cebu Sports Awards sunod buwan diha sa SM Northwing. (BANAT SPORTS)