Hotel, Charlie temporaryong nagsawo sa ikaduhang dapit
CEBU, Philippines - Midaog ang team Hotel batok sa Golf team, 95-88, samtang midaog sab ang Charlie batok sa Foxtrot, 74-
65 sa Center Katipunan A. Lopez Christian Organization (CEKALCO) 2013 basketball tournament didto sa A. Lopez
open court sa barangay Labangon.
Ang Hotel ni Kelvin Cinco ug Charlie ni Donny Panugaling nagsawo sa ikaduhang dapit sa managsama nilang
7-3 nga baraha.
Sikit ang aksiyon sa duha ka kampo, apan kalit nga nagmangtas ang Hotel sa fourth period diin mipabuhagay
kini og 23-13 run sa pagpangulo ni Cinco, kinsa mipupo og 15 puntos alang sa iyang record-setting performance nga 57
puntos, lakip na ang lima ka triples.
Si Bhords Tautho midugang og 10 puntos alang sa Hotel.
Silang Kit Arellano ug Gino Almencion maoy nangu sa Golf sa ilang 34 ug 16 puntos matag usa.
Sa laing bahin, si Richard Gubaton mibahog og 21 puntos aron pangulohan ang Charlie, samtang ang Foxtrot
gipangulohan ni Moises Craso sa iyang 19 puntos, gisundan ni Erik Yee nga adunay 14 puntos.
PUNTOS MATAG USA
Unang duwa:
HOTEL (95) - Cinco 57, Tautho 10, Valderama 8, Benoya 8, Saceda 6, Dosal 4, Berido 2
GOLF (88) - Arellano 34, Almencion 16, Barellano 15, Garcia 12, Bentozal 6, I. Delos Reyes 3, Hortezano 2
Ikaduhang duwa:
CHARLIE (74) - Gubaton 21, Baculio 11, Panerio 10, Panugaling 8, Besties 8, Molejon 4, Soco 4, Ensong 4,
Bacho 2, Dolero 2
FOXTROT (65) - Craso 19, Yee 13, Sumalinog 8, Zafra 6, L. Delos Reyes 5, Tabasa 4, Rosales 4, Lazaga
4, Gutang 2 (BANAT NEWS)
- Latest
