Faried bumandera sa panalo ng Team Chuck; MVP din

HOUSTON -- Kumolektat si Kenneth Faried ng 40 points tampok ang kanyang mga slam dunks para pamunuan ang Team Chuck sa 163-135 paggiba sa Team Shaq nong Biyer­nes ng gabi.

Nagsalpak si Faried ng 18-of-22 fieldgoals at napiling Most Valuable Player ng NBA Rising Stars Challenge.

Sasabak siya sa dunk contest sa All-Star Weekend.

“It was more of a tease,” ani Faried. “To­mor­row is a lot diffe­rent, a lot bigger stage. I have a lot of diffe­rent types of dunks and mo­ves. Keep people gues­sing.”

Hinaluan ang dalawang koponan ng mga roo­kies at second-year pla­yers bukod pa kina Sha­quille O’Neal at Charles Barkley na nagsil­bing mga ge­neral managers.

Umiskor si Sacramento point guard Isaiah Thomas ng 18 points at 10 assists para sa tropa ni Barkley.

Naglista si Cleveland point guard Kyrie Irving, ang 2012 MVP, ng 32 points at may 23 naman ang kanyang kakamping si rookie Dion Waiters pa­ra sa Team Shaq.

Ang huling minuto ng laro ay nagsilbing slam dunk contest.