MASEMCO Run for the Heart sa Marso 3
CEBU, Philippines - Miabot na sa 100 ang nagparehistro alang sa labing unang "MASEMCO-Run for the Heart" nga mosikad karong Marso 3 didto sa Parkmall grounds sa Mandaue City.
Mga kategoriya nga tigian mao ang 10K open, 5K open ug 3K kiddies mixed division (13-anyos ug paubos).
Si Democrito 'Emok' Branzuela, ang tsirman sa organizing Mandaue Runners Club (MRC), miingon nga gawas sa medalya, ang champion sa 10K open mobulsa og P5,000, ang second placer makadawat og P4,000 ug ang third makaangkon og P2,000. Ang fourth hangtod sa fifth makadawat og P2,000 ug P1,000 matag usa.
Makadawat usab og medalya ang top three finishers sa 5K open diin ang kampiyon modawat og P3,000, ang second makaangkon og P2,000, samtang ang third placer mobulsa og P1,000.
Sa 3K kiddies, ang top three finishers makadawat og P1,000, P800 ug P500 matag usa ning maong lumba nga gipaluyohan sa MASEMCO ubos sa ilang manager nga si Jaque Galapin, Parkmall, Gleam Signage, Runnr, Philippine Spring Water Resources Inc. ug sa HDP Printing.
Aduna kini registration fee nga P350 alang sa 10K, P300 sa 5K ug P250 sa 3K. Libre na niini ang singlets ug race bib.
Mahimong magparehistro sa Runnr sa Ayala Active Zone, Cebu City Sports Center ug sa Parkmall.
Ang registration hangtod lang sa Pebrero 28. Alang sa dugang mga pakisayod kabahin sa lumba, mahimong mokontak ni Danny (09154022116), Heide (09237160782) o di ba ni Emok (09276147786). (BANAT NEWS)
- Latest
