Delta team misakmit liderato sa 2013 CEKALCO tilt

CEBU, Philippines -  Gipahugtan sa team Delta ni Roland 'El Presidente' Sameon ang ilang liderato human ilang gipukan ang Foxtrot, 92-85 sa second round sa Center Katipunan A. Lopez Christian Organization (CEKALCO) 2013  basketball tournament didto sa  A. Lopez open court sa barangay Labangon.

 Nabiyaan ang Delta sa sayong bahin sa first period, 15-25, apan dali kaayo silang naka-rally aron ilogon ang labaw sa halftime, 45-36 ug dayon na ngadto pagposte'g siyete puntos nga kadaugan.

 Si Julius Gutierez miposa og 28 puntos aron pangulohan ang kadaugan. Si Juniel Villarosa miburak og 24 puntos, samtang si Arthur Acosta mibahog og 22 puntos alang sa Delta nga nagbitbit karon og 8-1 nga baraha.

 Silang Moses Craso ug Kikoy Tabasa maoy nangu sa Foxtrot sa ilang 28 ug 14 puntos, matag usa.

 Sa laing duwa, ang  team Golf mipukan sa Bravo sa iskor nga 103-94.

 Si Kit Arellano mihakot og 29 puntos aron pangulohan ang Golf nga mikatkat karon sa ikaduhang dapit bitbit ang 6-3 nga baraha. Si  Gino Almencion miabuno og 24 puntos, samtang sila si Edward Barellano ug Ritchie Garcia nagkumboya og 28 puntos.

 Ang Bravo nga adunay 2-7 nga baraha gipangulohan ni   Francis Philip Nacar, kinsa mibagdok og 34 puntos, gisundan ni Tata Maspiñas nga adunay 27 puntos.

PUNTOS MATAG USA

Unang duwa:

 DELTA (92) - Gutierez 28, Villarosa 24, Acosta 22, Estrada 5, Gonzaga 5, Sinag 4, Dumduma 2, Genon 2

 FOXTROT (85) - Craso 28, Tabasa 14, Elmido 8, Zafra 8, Lazaga 7, Yee 6, Sumalinog 6, Villamor 4,

Gutang 2, Rosales 2

Ikaduhang duwa:

 GOLF (103) - Arellano 29, Almencion 24, Barellano l7, Garcia 11, I. Delos Reyes 7, Hortezano 5, Bentozal

4, Superales 2, Miranda 2, Amahan 2

 BRAVO (94) - Nacar 34, Maspiñas 27, F. Desoyo 12, Tenchavez 8, Arnaiz 5, Arnibal 4, Aves 2, Castro 2 (BANAT SPORTS)