Lady Falcons humataw ng playoff
MANILA, Philippines - Kinuha ng Adamson ang huling dalawang sets paÂtungo sa kanilang 22-25, 25-17, 15-25, 25-18, 15-13 panalo kontra sa FEU at kunin ang playoff seat sa UAAP women’s volleyball Final Four kagabi sa The Arena sa San Juan City.
Si Sheila Pineda ay may 20 puntos at siya ang kumuÂha ng dalawang mahahalagang puntos para maisanÂtabi ang 13-12 kalamangan ng Lady Tamaraws.
Ang kill ni Pineda na naÂsundan ng isang service ace ang nagtulak sa Lady Falcons sa matchpoint.
Tinapos ni Luisa Zapanta ang larong tumagal ng isang oras at 58 minuto mula sa kanyang atake.
May 14 kills sina Pineda at Zapanta at ang huli ay tumapos bitbit ang 16 puntos, habang si Faye Janelle Guevara ay na may 10 puntos para sa Adamson (8-4).
Ito rin ang ikatlong sunod na panalo ng Lady Falcons para dumikit sa Ateneo Lady Eagles (9-4).
May 19 kills, 2 blocks at 3 service aces para sa kanyang 24 puntos si Rosemarie Vargas para sa FEU na kasalo ngayon sa National University sa 6-6 karta.
Kailangang maipanalo ng Lady Tamaraws ang naÂlalabing dalawang laro at umaÂsang hindi lumampas ng walong panalo ang alinman sa Adamson o UST (7-5) upang magkaroon ng playoff.
Winakasan ng UP ang 11-game losing streak sa pamamagitan ng 14-25, 19-25, 25-20, 25-23, 15-12 tagumpay sa UE.
May 2-11 record ang Lady Maroons, habang luÂmasap ang Lady Warriors ng kanilang ika-13 sunod na kaÂbiguan.
- Latest
