Kings nagmangtas

CEBU, Philippines - Taud-taud nang wala ganahi ang mga fans sa Sacramento Kings sa ilang team apan lahi ang ilang gipakitang reaksyon sa miaging adlaw dihang gibihag sa Kings ang Utah Jazz, 120-109 sa nagpadayong duwa sa NBA regular season didto sa Sleep Train Arena sa Sacramento, California.

Tungod sa kalipay nga daw midaug na sila'g championsahip game, ang mga fans sa Kings mihimo'g taas nga bersyon sa salidang The Wave diin ilang gipakpakan og dugay ang mga players.

Gihangup sa mga fans sa Kings ang The Wave apan ang pangutana kung magpadayon pa ba sila'g wara-wara sa ilang mga kamot kung mobalhin na ang Kings didto sa Seattle human sa nagpadayong season. 

Mibahug ug 25 puntos si Isaiah Thomas alang sa Kings samtang midugang si Marcus Thornton og 24 puntos diin nagpakita sila sa usa sa labing maanindot nilang duwa pinaagi sa paglubong sa Utah Jazz, 120-109.

Migahub ang saba kaayong kapin sa 16 mil ka fans nga nagpunay og singgit ''Sacramento!'' sa wala pa sugdi ang duwa.

Gikatakda nga ibaligya na sa Maloof family ang Kings ug mobalhin na kini sa Seattle sunod season tungod kay taga didto man ang mopalit.

Daghang mga players sa Kings ang didto sa bench naglipay-lipay atol sa  fourth quarter lakip kanila ang ilang sentro nga si DeMarcus Cousins.

''Their energy was crazy, nonstop. I never had a chance to do The Wave so I made sure I included myself in that and it was an incredible experience. Yeah, I got a little fatigued at the end. I didn't expect it to last that long.'' matod pa ni Cousins.

Naglabaw sa kinatibuk-ang duwa ang Kings ug grabe sila ka-agresibo nga maoy nakapataas sa ilang espiritu. Daghan sab kaayong mga bata nga misaksi sa duwa nga talagsaon ra kaayong mahitabo ug tungod kini sa ilang  grassroots campaign nga gustong makatigum og labing menos nuybe mil dolyares alang sa mga batang motambong.

Sa iyang bahin, si Thomas nagkanayon, ''I think it (the fans) got us the win. They brought us energy and you guys saw it from the jump. We were energized and we looked like a totally different team, especially on the offensive end. We were sharing the ball, we were smiling, everything. It was a good thing.''

Ngil-ad ang duwa sa Utah tungod kay ang ilang duha ka leading scorers nga silang Paul Millsap ug Al Jefferson, parehong na-foul trouble.

Ang Jazz nakahim usab ug 18  ka turnovers ug wala gani makasustenir batok sa gikusgon ug gipaspason sa Kings.