Tabal nidominar sa USPF Fun Run

CEBU, Philippines -  Gihatagan og dungog ni Cebuana teen running sensation Mary Joy Tabal ang iyang tunghaan human niya

gidominar ang women’s premier division sa University of the Philippines Foundation (USPF) Alumni Fun Run kagahapon

didto sa USPF Lahug campus sa Salinas Drive.

 Ang pambato sa USPF nga si Tabal mitapos sa 15K run sa oras nga 1:04:44 aron pildihon ang veteran female

runner nga si Christy Tutor, kinsa napunta sa ikaduha sa oras nga 1:16:26. Si Jhean Andrin mipahiluna sa ikatulong dapit sa

oras nga 1:16:27.

 Sa pikas bahin, si Jobert Carolino maoy naghari sa 15K men’s open sa oras nga 52:42, gisundan nila ni Prince

Joey Lee (53:45) ug Michael Largo (54:44)  alang sa mosunod nga duha ka dapit.

 Laing produkto sa USPF nga si Joel Delposo mao sab ang nanghawod sa 10K men’s class sa oras nga 35:18.

Sila si Robert Daang (35:20) ug Jury Ycong (35:57) maoy mi-okupar sa ikaduha ug ikatulong dapit.

 Ang top three finishers sa 10K women’s open mao sila si Lovely Andrin (46:04), Keisha Delechos (46:12) ug

Fe Hernane (57:17).

 Sa 5K fun run, ang Kenyan nga si Francis Kakui (17:20) ug Cherry Andrin (20:23) maoy mipatigbabaw sa

maong dibisyon.   (BANAT NEWS)