Magis Eagles midagit sa NBTC Title

CEBU, Philippines - Milusad og mainitong rally ang Sacred Heart School-Ateneo de Cebu (SHS-AdC) Magis Eagles aron maka-eskapo batok

sa University of the Visayas (UV) Baby Lancers, 96-92 sa overtime ug aron usab madepensahan ang ilang titulo sa

Seaoil National Basketball Training Center (NBTC) Elite League niadtong Biyernes sa gabii didto sa USC main gym.

 Biya og 11 puntos sa katapusang 2:44 sa regulation period,  72-83 ang Magis Eagles mipakita'g kaisog ug

mibawos uban ni Rendell Senining nga maoy miduslit sa 10-0 run aron mosikit, 82-83 sa nahabiling 56.3 segundos sa

duwa.

 Human si Andres Paul Desiderio mihimo sa iyang split charities aron hatagan ang UV  og dos puntos, 86-84, si

Arnie Padilla miposa sab og krusyal nga basket aron tablahon ang iskor, 86-all sa katapusang 3.2 segundos nga naghatod

sa duwa ngadto sa overtime.

 Si Leonard Santillan mihatag  sa Baby Lancers og 87-86 nga bentaha pagsugod sa overtime, apan si Henric

Dawn Ochea kalit lang nagmangtas ug wala kini kapugngi  alang sa Magis Eagles nga mao na ang nikontrolar sa duwa.

 Ang buzzer-beating triple ni Arc Gabriel Araw-araw maoy naghatag sa Magis Eagles og 94-90 nga bentaha sa

nanghinapos nga bahin sa aksiyon.

 Si Ochea kinsa maoy dakung papel sa final stretch, nangulo sa Magis Eagles sa iyang 23 puntos, samtang sila si

Senining ug Araw-araw, ang finals MVP miamot og 18 ug 16 puntos matag usa.

 Ang Baby Lancers gipangulohan sab ni Desiderio pinaagi sa iyang 30 puntos, gisundan ni Ralph Dinolan nga

adunay 20 puntos. (BANAT NEWS)

PUNTOS MATAG USA

 SHS-AdC (96) - Ochea 23, Senining 18, Araw-araw 16, Padilla 10, Galvez 8, Igna 5, Jaboneta 5,

Competente 5, Laguyo 4, Ecarma 2

 UV (92) - Desiderio 30, Dinolan 20, Santillan 11, Manzo 8, Canete 6, Escalona 6, Limitares 5, Dela Cerna 4.

Fernandez 2