Roque naghari sa Deep Blue Open Chess
CEBU, Philippines - Gipilde ni Cebuano NM Merben Roque ang karibal niining si Rommel Ganzon sa ilang tinaktakay nga kampiyonato aron maghari sa Deep Blue 'D Woodpusher's Chess Club sa SM City-Cebu.
Sa maong kadaugan, si Roque miuli bitbit ang P7,000 nga ganting salapi, samtang si Ganzon mibulsa og P4,000 sa pagpahiluna sa ikaduhang dapit sa duha ka adlaw nga kompetisyon nga gipasiugdahan sa Deep Blue 'D Woodpusher's Chess Club sa abag ni Atty. Mariano Tan, Carlos Tan, Engr. Blas Hipulan ug Ethi Dominguito.
Ang losing semifinalists nga silang Brylle John Arellano ug Carlos Moreno III nakadawat og P1,500 matag usa, samtang sila si Anthony Makinano, Felix Shaun Balbona, Marc Simborio ug Eden Diano nakaangkon og P1,000 matag usa isip ganti sa ilang pagsulod sa quarterfinal round.
Mokompleto sa top 16 nga nakadawat og P500 matag usa mao sila si Yves Fiel, Michael Joseph Pagaran, Rogelio Enriquez, Jr., Edsel Montoya, NM Leonardo Alidani, Venancio Loyola, Romulo Pialan and Richard Natividad. (BANAT SPORTS)
- Latest
