Echo mipukan sa Charlie sa CEKALCO hoop

CEBU, Philippines -  Gipakaging sa Echo team ang mas paboritong team Charlie, 82-75  alang sa ilang ikaupat nga daog sa second round sa Center Katipunan A. Lopez Christian Organization (CEKALCO) 2013 basketball tournament niadtong Sabado didto sa A. Lopez open court sa barangay Labangon, ning dakbayan.

 Sayong nakauna ang Echo kinsa miposte’g 20-11 nga abante sa opening period  sa tandem nilang Jimbo Villarosa ug  Donald Catong.

 Miburot ang labaw ngadto sa 15 puntos, 40-25 dihang nangigo sab silang Ruel Ducayon ug skipper Nelson Solana.

 Misuway pag-rally ang Charlie sa third period pinaagi   nilang Richard Gubaton, Estoy Panerio ug Bert Besties ug misikit ngadto na lang sa otso puntos, 51-63 pagsugod sa fourth quarter.

 Silang Villarosa ug Ducayon  mibahog og 16 puntos matag usa aron pangulohan ang Echo samtang silang Solana ug Catong nagkumboya og 28 puntos.

 Ang napildeng Charlie team gipangulohan nilang Gubaton ug Estoy Panerio nga parehong  miposa og 21 puntos, gisundan ni Besties nga adunay 13 puntos.

 Sa sayo pa, ang powerhouse nga Delta team ni Roland 'El Presidente' Sameon midaog pinaagi sa default batok sa Golf team ug kasamtangang nag-una sa liderato bitbit ang 7-1 nga baraha.

PUNTOS MATAG USA

 ECHO (82) - Villarosa 16, Ducayon 16, Solana 15, Catong 13, Macalisang 6, Desoyo 4, Dianon 4, Romariz 2, Sagayno 2, Lanticse 2, Yomaoy 2

  CHARLIE (75) - Gubaton 21, Panerio 21, Besties 13, Baculio 7, Soco 4, Panugaling 4, Molejon 2, Bacho 2, Balaga 1  (BANAT SPORTS)