F5-Francinne Lou daog dayon sa LLSC cagefest

CEBU, Philippines -  Gihatagan dayon og daog ni Josak Arong ang F5-Francinne Lou ni team owner Engr. Fernando 'Dondon'

Cinco batok sa AJY Bong, 72-69 sa Lapu-Lapu Sports Club (LLSC) Fiesta  Conference didto sa Agus gym sa Lapu-

Lapu City.

 Ang ex-USJR cager nga si  Arong mikudlit og 23 puntos aron pangulohan ang F5-Francinne Lou nga nagbitbit

og 1-0 nga baraha.

 Unang miarangkada ang AJY Bong ni team owner Allan Yu ug nakabentaha kini paghuman sa first period, 22

-21 ug ingon man sa halftime, 38-37 sa kombinasyon nilang Tata Bardago, Dandan Ramos ug Yu.

 Nailog sa F5-Francinne Lou ang labaw sa third period, 54-53, apan nabawi sab hinuon kini sa AJY Bong

ubos sa pagtimon ni Bardago ug padayong nagsinukliay og mga puntos ang duha ka koponan hangtod nga nagtabla kini,

69-all human sa basket ni Arong sa nahabiling 30 segundos sa duwa.

 Bola unta sa AJY Bong ug may purohan pa nga moangkon sa daog, apan mikagar ang ilang mahinungdanong

tirada.

 Si Arong mitusak og usa sa iyang duha ka free throws aron hatagan ang iyang koponan og 70-69 nga bentaha.

Napun-an pa kini og laing duha ka free throws ni Arong nga maoy miselyo sa kadaugan.

 Gawas ni Arong, sila si Rey Sandal ug Jun Hesalta mihimo sab og double figures sa ilang 18 ug 10 puntos

matag usa.

 Ang naparot nga AJY Bong gipangulohan ni Bardago, kinsa mibugha og 24 puntos.

 Sa laing duwa, ang Solmeat ni Leo Bascon gisugat sab og daog dihang ilang gilumsan ang VKK Divers, 72-64.

 Si Noli Paquibot maoy topscorer sa Solmeat pinaagi sa iyang 13 puntos. Laing duha niya ka kauban ang

miiskor sab og double figures alang sa ilang 1-0 nga baraha.

 Ang VKK Divers ni Victor Malingin nga wala makapanginhas og daog gipangulohan ni Tallo Senerpida nga

mikadlit og 12 puntos ug mao sab ang bugtong player nga nakahimo og double figures alang sa koponan. (BANAT NEWS)

PUNTOS MATAG USA

Unang duwa:

 SOLMEAT (72) - Paquibot 13, Daño 10, Cuizon 10, Igot 9, Villaceran 8, Buot 6, Hiyas 4, Larasaga 4,

Dayondon 4, Tampus 4

 VKK DIVERS (64) - Senerpida 12, Ybañez 9, Silawan 7, Amistad 6, Dignos 6, Aying 6, Lamoste 5, Giganto

5, Dela Peña 2, Agusto 2

Ikaduhang duwa:

 F5-FRANCHINNE (72) - Arong 23, Sandal 18, Hesalta 10, Velasquez 8, Guevarra 6, Damolo 3, Tejano 2,

Cinco 2

 AJY BONG (69) - Bardago 24, Ochea 13, Ramos 12, Yu 11, Soroño 3, Nelson 2, Ekit 2, Flores 2