Rockets nagwagi sa Nets

HOUSTON -- Umiskor si James Harden ng 29 points, habang humakot si Chandler Parsons ng 16 points at career-high na 11 assists para tulungan ang Houston Rockets sa 119-106 paggupo sa Brooklyn Nets.

Ito ang pang-12 sunod na panalo ng Rockets sa Nets.

Nagdagdag naman si Omer Asik ng 20 points at 16 rebounds para sa Houston, tinalo ang Nets sa rebounding, 50-31.

Tumipa naman si Nets star Deron Williams ng 27 points, ngunit nanlamig ma­tapos magtala ng 20 mar­kers sa first quarter.

Napatalsik siya sa laro sa huling 1:07 matapos kom­prontahin si referee Da­vid Jones.

Nag-ambag si Brook Lo­pez ng 21 points at may 13 si Joe Johnson para sa Brooklyn, nabaon sa isang 18-point deficit sa first half.

Nagposte ang Rockets ng 17 assists sa kanilang unang 20 field goals.

May 8 assists si Parsons sa first half.

“Our spacing was unbelievable,” ani Parsons. “It allowed more guys to pene­trate, it allowed more guys to have open shots and we moved the ball great.”