CEBU, Philippines - Mikulit sa iyang ikaduhang career triple-double si Nicolas Batum alang sa Trail Blazer human siya mohipos og 20 puntos, 10 ka rebounds ug ingon man sab career-high 12 ka assists.
Unang nakahimo'g career triple-double si Batum niadtong Lunes atol sa ilang 95-98 nga kapildehan didto sa Washington diin mi-iskor siya'g 12 points, may 10 ka rebounds ug 11 ka assists.
''It's a better taste when you win the game,'' matod pa ni Batum human sa ilang kadaugan.
Mao kadto'y ika-upat nga sagunson nga pilde sa Clippers kinsa nagduwa nga wala gihapon ang ilang point guard nga si Chris Paul tungod sa hubag sa iyang tuway-tuway.
Una kadtong duwa sa ilang back-to-back meeting tungod kay mag-usab sila'g duwa karong adlawa didto na sab sa Staples Center sa Los Angeles.
Nabiyaan ang Clippers ug labing menos 14 puntos sa first half apan ilang nabawi ang labaw didto sa fourth quarter dihang wala nila tugoti nga makahugyo ang Blazers hangtod nga kalit nabuhi ang ilang dugo dihang naka-rally sila human sa basket ni Wesley Matthews, 99-100.
Si J.J. Hickson naka-iskor og free throws aron mobalik og labaw ang Blazers may 45 segundos ang nahibiling oras ug sa ilang ball possession, misipyat si Jamal Crawford sa iyang 19-footer jumpshot nga mao untay mopadaug sa Clippers may 0.9 segundos ang nahibilin sa duwa.
Matod pa ni Crawford, ''I'll take that shot 10 out of 10 and I'll make it nine out of 10.''
Nakuha ni Batum ang rebound human sa sipyat ni Crawford ug iyang gigakos og hugot ang bola ug wala kini niya lugaki hangtod nga mihangop kaniya ang rookie nga si Damian Lillard.
''I can't promise a triple-double every week, but I try to do something and help the team to win every game,'' sumala pa ni Batum.
Si Blake Griffin maoy nangu sa Clippers sa iyang 24 puntos uban sa walo ka rebounds ug 10 ka assists.
''Tough pill to swallow,'' matod pa sa Clippers coach Vinny Del Negro. ''We had an opportunity to steal this one and we couldn't convert down the stretch,'' midugang si Del Negro.
Ang Clippers aduna nay 3-3 sa ilang unom ka duwa nga wala si Paul ug wala pa hibaw-i kung kanus-a siya mobalik og duwa. (GGM gikan sa NBA.com)Nakaeskapo ang Portland Trail Blazers pinaagi sa pagkulit ug usa ka lugas nga kadaugan batok sa Los Angeles Clippers, 101-100 kagahapon sa usa sa mga sikit nga duwa sa NBA didto sa Rose Garden sa Portland, Oregon. (BANATSPORTS)