8 ka teams musalmotsa 6th fya season

CEBU, Philippines - Dunay walo ka teams nga misalmot sa 6th season sa F. Llamas Youth Association (FYA) basketball tournament nga buksan karong gabii diha sa barangay Tisa gym, ning dakbayan.

Ang mga musalmot pangulohan sa defending champion GCM shock troopers nga gipangulohan ni Tata Laborte. Nahimong kampiyon ang GCM sa 5th season dihang ilang gipukan sa finals ang Vanesse Justin sa iskor, 73-63 niadtong Oktubre 4 sa miaging tuig.

Ang laing musalmot mao ang MBD Law Office ubos ni Junrey Arreglo, Harold's Hotel ni team leader Arnel Trinidad, Simple Likes Barbecue Haus ni Noel Medalle, Pastrano Chicharon ni Vitoria Pastrano, Porky 2HP ni Porky Pacana, Grand & Jai ni Grandeur Liboon ug Pimentel Brokers ni Customs broker Marty Pimentel.

Ang MBD Law Office maoy third placer sa miaging torneyo human ilang gipukan ang Harold's Hotel, 81-78.

Matod pa sa opisyal sa FYA nga si Noel Medalle, wala pa hisayri kung kinsay magduwa karong gabii tungod kay bunoton pa didto sa benyu ang upat ka teams nga magtakos sa opening day. (BANATSPORTS)