Pacquiao makakabalik sa dating porma - Arum

MANILA, Philippines -  Inaasahan ni Bob Arum ng Top Rank Promotions na makakabalik sa dati ni­yang kondisyon si Filipi­no boxing icon Manny Pacquiao.

Sa panayam ng Bo­xingScene.com, sinabi ni Arum na hindi masyadong nasaktan si Pacquiao sa kabila ng pagpapabagsak sa kanya ni Juan Manuel Marquez sa sixth round sa kanilang ikaapat na pag­kikita noong Disyembre 8 sa MGM Grand sa Las Ve­gas, Nevada.

“I’ve seen fighters reco­ver from that and it not affect them at all,” ani Arum. “Be­cause remember, he didn’t get beat up. He didn’t get beat into submission and then get knocked out. It was one punch and he was through, so he didn’t take punishment.”

Bago mapabagsak ng 39-anyos na si Marquez, isang split decision loss mu­na ang natikman ng 34-anyos na Sarangani Congressman kay Timothy Bradley, Jr. noong Hunyo.

Bago lumaban si Pacquiao ay hihikayatin muna ni Arum ang Filipino world eight-division champion na sumailalim sa isang brain exa­mination sa Cleveland Cli­nic.

“All I can do is suggest it, because he has passed the (post fight) test in Nevada and he has passed his test in the Philippines,” ani Arum kay Pacquiao. “I would like him to get the test that is pro­bably the best test in the world. What else, can I do? Hopefully he’ll do that.”

Planong ilaban ni Arum si Pacquiao (54-5-2, 38 KOs) kay Marquez (55-6-1, 40 KOs) sa pang-limang pag­kakataon sa Setyembre.

Samantala, tinitingnan na­man ni Pacquiao na ve­nue ang Maynila at ang Singapore para sa kanyang laban.