Red Cubs pasok sa Finals ng MMBL
MANILA, Philippines - Nangibabaw ang San Beda Red Cubs sa NU Bullpups, 88-78, upang umabante sa Division One Finals ng 30th SeaOil Metro Manila Basketball League sa SBC Gym.
Si JV Mocon ay naghatid ng 19 puntos para panguna-han ang Cubs na siyang nagdedepensang NCAA chamÂpion.
Tinapatan ni Herbert Cani ang 19 puntos ni Mocon pero kinulang siya ng suporta at ang dating UAAP titlist na Bullpups ay namaalam na sa liga.
Kakaharapin ng San Beda ang Hope Christian sa finals ngayon sa ganap na alas-3:30 ng hapon.
Tatlong finals pa ang matutunghayan bago ang main event at una na rito ang bakbakan ng La Salle Zobel at Chiang Kai Shek College para sa girls division sa ganap na alas-11 ng umaga.
Ang iba pang laro ay sa pagitan ng NU-C at San Beda-D sa Division 4 dakong alas-12:30 ng hapon at San Beda-C at St. Benilde-Rizal para sa Division 3 na sasambulat dakong alas-2 ng hapon.
- Latest
