Charlie naka-eskapo batok sa Bravo sa CEKALCO tilt
CEBU, Philippines - Igo lang midaog og dos puntos ang team Charlie sa ilang duwa batok sa Bravo, 71-69 sa elimination round sa
Center Katipunan A. Lopez Christian Organization (CEKALCO) 2013 second season basketball tournament niadtong
Sabado didto sa A. Lopez open court sa barangay Labangon, ning dakbayan.
Sikit ang duwa sa sayong bahin sa first period diin naglabaw ang Charlie ug usa lang ka palito, 17-16 human sa
basket ni Estoy Panerio.
Misukli sab dayon ang Bravo og 17-12 rally gikan sa tandem nilang George Gacho ug skipper Dondon
Tenchavez aron molabaw og kuwatro puntos sa halftime sa iskor nga 33-29. Sa pagtambayayong nilang Bryan Codilla ug
Tata Maspiñas nainat pa kini ngadto sa otso puntos,57-49 paingon sa fourth quarter.
Apan nakarekober ang Charlie dihang misaler ang ilang hugot nga depensa nga gipatuman nilang Dodong Soco
ug Donny Panugaling hinungdan nga nakahimo sila'g 22-12 run.
Miabag sab sa opensa silang Richard Gubaton ug Panerio. Si Panerio maoy nangu sa 4-2 nga Charlie sa iyang
28 puntos, samtang si Gubaton midugang og 18 puntos.
Ang 2-4 nga Bravo gipangulohan sab ni Gacho, kinsa miposa og 18 puntos.
PUNTOS MATAG USA
CHARLIE (71) - Panerio 28, Gubaton 18, Soco 9, Bacho 4, Do. Panugaling 4, Da. Panugaling 4, Besties 2,
Molejon 2
BRAVO (69) - Gacho 18, Tenchavez 13,‘ Codilla 12, Maspiñas 10, Castro 8, Arnival 6, Perino 2 (BANAT NEWS)
- Latest
