San Carlos Heights kampiyon sa QBA tilt

CEBU, Philippines -  Gipilde sa San Carlos Heights (SCH) ni playing coach Charlie Reyes ang karibal nga  CCCS,  79-73  aron langkaton ang korona sa Quiot Basketball Association (QBA) 2012 Christmas basketball tournament niadtong weekend didto sa Quiot proper open court.

 Sikit ang duwa sa unang duha ka kuwarter diin ang SCH igo lang nakamaneho og 38-37 nga labaw  paghuman sa first period sa giya nilang Argiel Magan ug Mike Reyes.

 Mi-rally ang CCCS   didto sa third period aron ilogon ang  labaw, 62-60 paingon sa fourth quarter nga gitimonan nilang Ronnie Ruiz ug Ramsey Osorno.

 Mipatuman og  zone defense ang CCCS uban ang paglusad og 19-10 scoring run nga giduslitan sa kanhi pro

Danny Aying ug Resty Getubig aron ilogon pagbalik ang labaw.

 Si Aying maoy nangu sa SCH nga mibugha og 21 puntos, gisundan ni Magan nga adunay 15 puntos sila si Getubig ug Reyes miamot og 10 puntos matag usa.

 Ang CCCS gipangulohan nilang Ruiz ug Boy Teroy nga parehong miposa og 14 puntos matag usa ug si Osorno mitikdol og 11 puntos.

PUNTOS MATAG USA

 SCH (79) - Aying 21, Magan 15, Getubig 10, M. Reyes 10, Arias 8, C. Reyes 6, Alesna 5, Paghubasan 2, Lim 2.

 CCCS (73) - Ruiz 14, Teroy 14, Osorno 11, Baguio 8, Fernandez 8, Perez 6, Murillo 6, Perez 6 (BANAT SPORTS)