Sinulog chessfest sa Colonnade Mall

CEBU, Philippines -  Subli  na  usab  nga  mag-abot ang mga Cebuano chess players  sa  Sinulog Chess Festival karong Sabado ug Domingo diha sa Colonnade Mall sa dalan Colon.

 Gipasiugdahan sa Cebu Chess Association uban sa suporta sa  Rose Pharmacy  Inc., ang  torneyo naglatid sa open, ladies, kiddies (14-under), Cebu City District 1 school-based competition ug infinitum chess category.

 Dul-an sa P35,000 nga ganting salapi ang giandam alang sa mga mananaog sa maong torneyo. Ang kampiyon sa open division mobulsa og P7,000,  ang second placer makadawat og P5,000 ang third placer makaangkon og P3,000.

Ang fourth ug fifth placers gantihan og P2,000 ug P1,000 matag usa.

Mopahiluna gikan sa ikaunom hangtod sa ika-napu makadawat og P500 matag usa. 

  Ang top three placers sa ladies class makaangkon og P700, P500 ug P300, samtang  sa kiddies

mobulsa og P1,000, P700, ug P500.

 Ang mokampiyon sa infinitum chess makaangkon og P2,500, samtang   tropeyo ug chess literatures ang modaog sa District 1 contest.

 Ang registration fee nagkantidad og P100 sa ladies ug kiddes ug P200 sa adults.  

Alang sa dugang mga pangutana, mahimong motawag ni international arbiter Marvin  Ruelan sa numero 0926-7352951. (BANAT SPORTS)