Anthony sumugod sa locker room ng Celtics: Boston pinayukod ang New York

NEW YORK --- Nagbalyahan sina Knicks’ star Car­melo Anthony at Celtics’ cen­ter Kevin Garnett mula sa baseline hanggang sa mid­court.

 At matapos ang 96-102 ka­biguan ng New York sa Bos­ton ay dumiretso si An­thony sa locker room ng Cel­tics at nagsisigaw.

Umalis si Anthony na hin­di kinausap ang mga re­­porters at ayaw namang mag­­komento ng Boston sa pagsugod sa kanila ng New York forward.

‘’I’m going to let you all figure that one out. I’m going to stay out of that,’’ ani Celtics’ coach Doc Rivers. “If it was the playoffs I’d tell on him, but since it’s not I’m going to just be quiet.’’

Umiskor si Paul Pierce ng 23 points para banderahan ang nasabing panalo ng Celtics kontra sa Knicks sa salpukan ng magkaribal na koponan sa Atlantic Di­vision.

Humakot si Garnett ng 19 points at 10 rebounds pa­ra sa Boston, nakamit ang kanilang ikatlong dikit na panalo kahit wala ang na­suspindeng si Rajon Ron­do.

Tumapos si An­thony na may 20 points mula sa masama niyang 6-of-26 fieldgoal shooting.

Pinamunuan naman ni J.R. Smith ang Knicks mu­la sa kanyang itinalang 24 points, habang humakot si 7-foot center Tyson Chand­ler ng 13 points at 17 rebounds.