Bravo, Golf milubong sa ilang kontra sa CEKALCO caging

CEBU, Philippines -  Ang team Bravo ni skipper Dondon Tenchavez walay kukaluoy nga milubong sa  Alpha Team, 98-66, samtang ang Golf  team yano sab nga milubong sa  Foxtrot, 103-88  sa  Center Katipunan A. Lopez Christian Organization (CEKALCO) 2013 second season basketball tournament didto sa  A. Lopez open court sa barangay Labangon, ning dakbayan.
 Kanunay naglabaw ang Golf team ug nakahimo pa kini pagposte’g 20 puntos nga abante, 76-56 pagsugod sa fourth quarter   sa mainitong tandem nilang Kit Arellano ug Gino Almencion.
 Misuway unta pagsikit ang Foxtrot sa final period dihang milusad kini'g  32-27 nga rally  sa giya nilang Moises Craso ug Efren Gutang, apan wala sila makasustenir sa ilang momentum   kay nahutdan  sila’g oras.
 Si Kit Arellano maoy nangu sa Golf team sa iyang game-high 30 puntos, miabag sab silang  Almencion ug Ritchie Garcia  nga nagkumboya'g 40 puntos.  Ang Foxtrot gipangulohan ni Craso sa iyang 40 puntos.  Sa sayo pa,  si Michael Castro miposa'g 20 puntos aron pangulohan ang Bravo. Silang  Tenchavez ug George Gacho miamot og 14 puntos matag usa. Sila si Danny Sesuyo ug Kenneth Beltran mao usab ang nangu sa Alpha nga nagkumboya og 37 puntos.

Puntos Matag Usa

Unang duwa:
 BRAVO (98) - Castro 20, Tenchavez 14, Gacho 14, Arnaiz 12, Arnibal 10, Maspiñas 10, Codilla 10, Perino

5, Loayon 3
  ALPHA (66) - D. Desoyo 21, Beltran 16, Navares 10, Lawrence 6, Cabalda 5, Templa 4, P. Desoyo 2, Noel

2

Ikaduhang duwa:
 GOLF (103) - Arellano 30, Almencion 22, Garcia 18, Hortezano 12, Bentazal 8, Mernado 8, Delos Reyes 5
  FOXTROT (88) - Craso 40, Gutang 15, Zafra 12, Lazaga 11, Panugaling 6, Delos Reyes 2, Elmido 2 (BANAT NEWS)