Junior netters magpapasiklaban sa Andrada Cup
MANILA, Philippines - Handa ng magpasiklaban ang mga pambatong junior netters ng bansa sa paglarga ng 24th Andrada Cup junior tennis tournament sa Enero 2 sa Rizal Memorial Tennis Center.
Ang pagpapatala ay natapos noong Linggo at sa araw na ito gagawin ang draw sa ganap na ika-12 ng tanghali.
Ang mga naglaban sa PSC-Philta Age Group Championship ang siyang inaasahang magpapang-abot uli sa torneong inorganisa ng Philippine Tennis Association (Philta) at inialay sa dating pangulo at ngayon ay Philippine Sports Commission (PSC) Commissioner Salvador Andrada.
Ang mga naging kampeon sa PSC-Philta Championship ay pinangungunahan nina Roxanne Resma at John Maverick Victoria na dinomina ang 18-under division.
Tinalo ni Resma si Ma. Dominique Ong habang si Betto Orendain ang ginulat ng unseeded na si Victoria.
Limang araw gagawin ang kompetisyon na isang Group I at ang mga lalabas na kampeon ay aani rin ng Philta points na kanilang magagamit para mapaganda ang kasalukuyang rankings.
- Latest
