UTASSCO kampiyon sa Power 40 Christmas League

CEBU, Philippines -  Nabaraw sa UTASSCO Utility ang dautang laraw sa Park ‘N Go Bakeshop human kini miiskor og 79-66 nga kadaugan aron sakmiton ang korona sa Power Forty Christmas League basketball tournament  niadtong Martes sa gabii didto sa Inayawan Sports Complex.
 Sa sayo pa, gilumsan sa Water Market ang Jinjec Commercial sa iskor nga 73-48 aron mopahiluna sa

ikatulong puwesto.
 Si Alex Mercado mibahog og 28 puntos, samtang si Teddy Ebrado midugang og 20 puntos alang sa

UTASSCO ni Atty. Flor Yosores.
 Miiskor sab og double figures si  Michael Veloso  alang sa UTASSCO pinaagi sa iyang 11 puntos.
 Ang Park ‘N Go gipangulohan ni Eric Abatayo, kinsa miposa og 26 puntos, gisundan ni Al Misa sa iyang 17

puntos, samtang si Gogo Fuentes miamot og 13 puntos.
 Sa laing bahin, si Vez Eleguin mihakot og 20 puntos aron pangulohan ang Water Market, samtang ang

pilderong Jinjec Commercial gipangulohan usab ni Danny Dayota, kinsa mikabkab og 18 puntos.
 Ang awarding ceremony idungan sa Power Forty Christmas Party sa Disyembre 30 didto gihapon sa Inayawan

Sports Complex.

PUNTOS MATAG USA

Unang duwa:
 Water Market (73) - Eleguin 20, Ozon 14, Ungria 14, Nacional 7, Mosqueda 6, Arias 5, Navares 3
 Jinjec (48) - Dayota 18, Atillo 12, Navares 6, Moniva 5, Cabatas 4, Lasbajo 3

Ikaduhang duwa:
 UTASSCO (79) - Mercado 28, Ebrado 20, Veloso 11, Cabrera 8, Abarquez 4, Yosores 3
 Park ‘N Go (66) - Abatayo 26, Misa 17, Fuentes 10, Tabar 8, R. Rama 3, G. Rama 2 (BANAT SPORTS)