Pacman paretayron ni Jinkee
CEBU, Philippines - Gipaagi sa usa ka "birthday wish" ni Jinkee Pacquiao ang iyang paghangyo sa bana niya nga si Manny Pacquiao nga moretiro na sa hingpit sa boksing.
Si Pacquiao misaulog sa iyang ika-34 nga adlaw'ng natawhan kagahapon, usa na ka semana kapin human
mapilde pinaagi sa sixth round knockout batok ni Juan Manuel Marquez.
"My wish is good health always," matud pa ni Jinkee sa The Philippine Star. "I also wish that he would retire,
Manny has nothing more to prove. He is the only boxer to win eight world titles."
Taliwala sa selebrasyon, nahinumduman pagbalik ni Jinkee ang grabe niyang kabalaka human niya makita ang
iyang bana nga nagkulob ug walay panimuot ibabaw sa ring human maigo sa nagpungasi nga right hook ni Marquez nga
maoy nakatumba niini.
"Natakot talaga ako nun," matud pa ni Jinkee, kinsa usa sa 16,000 ka mga misaksi sa sangka ni Pacquiao ug
Marquez didto sa MGM Arena sa Las Vegas. (BANAT NEWS)
- Latest
